書名:落泥-臺灣客語詩選

原文書名:


9789864451036落泥-臺灣客語詩選
  • 產品代碼:

    9789864451036
    讀詩人 (81)
  • 定價:

    320元
  • 作者:

    張芳慈 主編
  • 頁數:

    256頁
  • 開數:

    14.8x21
  • 裝訂:

    平裝
  • 上市日:

    20160506
  • 出版日:

    20160506
  • 出版社:

    釀出版-秀威資訊
  • CIP:

    863.751
  • 市場分類:

    詩詞曲賦
  • 產品分類:

  • 聯合分類:

    文學類
商品簡介


收集二十四位客語書寫現代詩作者──杜潘芳格、羅浪、葉日松、范文芳、彭欽清、曾貴海、黃卓權、羅肇錦、利玉芳、陳寧貴、陳黎、張捷明、黃子堯、江昀、黃有富、羅思容、彭歲玲、張芳慈、葉國居、劉正偉、劉慧真、邱一帆、羅秀玲、彭瑜亮,跨足老、中、青三代,每人以一至六首不等的作品呈現目前客語現代詩的書寫風景。探索各自深入土地關懷客家的豐碩成果,宛如生根番薯,落泥更護土。

【落泥――編者序】張芳慈

文學係斯無落泥,仰唇來生根?水耕到底浮來浮去啊!試看看該兜大樹總係有自家个樣,水耕花草軟餒餒,分人拗下斯斷閉了。
這擺召大家來出版客家詩選《落泥》,就係希望逐儕落泥生根必芽綻筍;在台灣个土地項,雕出做為客家个枝骨,每一個人企出來斯係風景。先講吳濁流先生寫漢詩,雖然用个係古典格律,精神係現代个;內容係台灣个,用字用情係客家个,這正會感動人。吳濁流基金會恁多年來,現代詩獎也培育盡多台灣个詩人,小說家鍾肇政先生當年帶領客家母語運動也二十零年了,盡多人煞猛打拼救自家个語言。對中央到地方文學獎越來越多,鼓勵大家用自家个話來讀來寫,成績定定看得出有兜水準了。
客家書寫當然還有當多愛思考个所在,講來話長;創作係擲出問題,因為關心正會有問題;所以愛有過較多个人來看問題。過去,專家學者各有看法;做研究个乜有盡深个愐想,我常透想時間完全無私心,空間分我等有想法,總係愛打拼能夠看得到未來。
落泥;在這個時代,我等歸陣有幸為客家來生根。

目錄
【落泥――編者序╱張芳慈】
【杜潘芳格】
平安戲
紙人
月桃花
聲音
道路

【羅浪】
白雲之歌
遺言
吊橋
少女
章魚
懷父
【葉日松】
重遊淡水
阿爸阿姆个叮嚀像山歌像家書
阿公个民謠
秀姑巒溪(節錄)
祖先个腳印
臺灣古蹟書寫
【范文芳】
芒花
桐花
魚藤
百勞嘛
【彭欽清】
求明牌
拜問義民爺
種草莓个老人家个道嘆
勸伯公
竻球
【曾貴海】
冬夜的面帕粄――記白色年代
雨中个美濃
六堆客家人
夜合
田舍臨暗
【黃卓權】
後生時節
打早介台北
拜年
有惜無惜汝盡知
古蹟保存
【羅肇錦】
坐車
凡間
自從你講會寫詩
中原到客家
詩人同酒
該年个交情
【利玉芳】
春遊雙夾水
覓蜆
稈棚
濛紗煙
膽膽大
還福
【陳寧貴】
童年
人生濕夢
味緒
共樣
頭擺
阿爸介心事
【陳黎】
月光華華
客中水月
上邪
美濃雨水
【張捷明】
阿爸賣菜
【黃子堯】
汝記得無?
伙房下
真愛
臺灣悲歌――921大地動
一支白頭那毛
禾仔在唱歌
【江昀】
老屋
客家鹹菜
月下吟唱
桐花去旅行
青苔路遠
【黃有富】
台大醫院門口


巷仔
放手
【羅思容】
每日
壁壢角

一粒星仔
【彭歲玲】
文學奇緣个大戲
花色个大手帕巾仔
在這位
真花摎假花
【張芳慈】
出席
可比講你問我心肝肚个該首詩
食茶
揹帶
斷烏介巷肚
我想愛―我無想愛―
【葉國居】
老相片
畫室
髻鬃花
阿婆發个癌症還天光
【劉正偉】
阿爸个心跳
徐雲興
新臺灣人――記假油事件
劉添喜
五月花開
粄仔圓
【劉慧真】
八張犁尾,人格者
女人樹
分魍神牽著
佬佢囥等
無傷口个死亡
餓鬼
【邱一帆】
又影著該阿婆
粄圓
禾稈味
語言个出路
布洛灣个應聲
矮靈,祈福
【羅秀玲】
啄咕
大襟衫
算數簿仔
蜈蚣蟲
【彭瑜亮】
山路
老藤新葉
係汝
恩俚个故事
燒香

內文試閱
【出席】
該當時
喉涎頭已像卡著一粒火炭个樣
該當時
緊顫个身體無法度企好勢
該當時
故鄉人分我做膽
準講無聲乜愛講出自家个話
這斯係正經出席咧
有兜人聽得識
有兜人毋識聽過
過有兜人無麼認同
毋過 我決定分厥等一個機會

【可比講你問我心肝肚个該首詩】
可比講你問我心肝肚个該首詩
玄玄風斯會愐著
一半下大一半下細个大甲河水
還有盤過大雪山个白雲
哦 我所罣吊个你
秋分時節芒冬花排出轉屋家个路
你敢知得寒天打霜个竹圃有幾堅韌呢
可比講你問我心肝肚个該首詩
三不二時斯會試著毋知哪位疾
想愛食山林肚人家滷个鹹菜
還有攤在禾埕曬个菜頭稂
哦 我所罣吊个你
鄰舍晡娘儕做月介雞酒香幾餳人
搒米冇搒出一莊又一莊細人个笑聲
你敢還記得有一個時代係食蕃薯籤過日
逐擺你問我心肝肚个該首詩
我斯像愛尋竇个鳥子
飛過一間又一間介屋簷唇
尾下 在拆撇个老屋對面停途
見愐著阿爹个钁頭
我斯像揢緊歸手牛眼樹下个泥團
喔 原來泥肚有雷公筋个根脈
揞在石駁孔肚乜硬硬愛鑽出嫩筍
毋好過問我心肝肚个該首詩
該係倒覆在我回憶底肚个疾
恁久以來盡想愛保留語言个回甘
毋過實在講乜毋知哪位所爭
細義勾出个逐句話
一隻音一隻音讀分你聽該下
已像鼻著有兜生菇臭餿撇个味瑞
該首詩
一半下又想愛你輒輒來問起
因致田坵犁過个泥堀又鬆又肥
所罣吊个你呵
試愐看一頭一頭个禾啊在風中哂哂嗦嗦
總係有一日會打出飽米个禾串
可比講你過問我心肝肚个這首詩
你敢知我有幾想愛替你再過讀一遍
一句跈緊一句
像鮮鮮河水一浪激過一浪流毋停

【食茶】
你目神底背个我
我目神底肚个你
這滿滾了
該斯兩皮嫩葉合一心
定定弓開
定定弓開

出味了
出味了

【揹帶】
這條揹帶
揹過當多人
一代傳過一代
細孲嬰貼緊背曩
恬恬睡快快大
揹帶絆緊阿姆个奶姑
斯毋驚肚屎會飫著
這條揹帶長又長
揹緊雨水同清風
揹緊梨園同田洋
乜揹緊日頭同月光
這條揹帶軟又軟
揹過山歌同笑聲
揹過目汁同汗酸
乜揹過人生行四方
你斯毋好嫌佢恁舊
你斯毋好嫌佢色目醜
該奶臊啊
係吾等發夢都想愛鼻著个味瑞

【斷烏介巷肚】
斷烏个巷肚
阿姆細聲同我講
過出去尞斯會分魍神牽去
該下還毋知好驚个我
長在對窗門个細縫
想愛看魍神生來麼个樣相
魍神一日無來
一年無來
幾下年毋知有來也無來
聽大人講夥房肚个阿叔打毋見咧
上屋个阿伯乜尋無人
做麼个無人愐著係分魍神牽去呢
臨暗時節
見親人吂轉夜
我斯會驚怕
該生像人形又像禽獸个魍神
毋知會對哪條斷烏个巷肚
目珠利利在該伏緊


作者簡介


主編 張芳慈(1964∼),台中東勢人。曾加入笠詩社,女鯨詩社。2002年客語詩由「寮下人劇團」,發表演出《在地的花蕾》。2003年客語詩作於「光環舞集」作品《平板》中,以跨領域的形式演出。2004年主持《客家細妹寫歷史》計劃,主持《客家音樂大家共下大聲唱》計畫。2005年作品編入文建會贊助之《國民文學選》。2008年作品參與「歡喜扮戲團」影像演出。國家文學館臺灣百位詩人數位影像個人專輯製作。完成國家文化基金會現代詩創作補助《翩翩起舞》。2009年協助巨匠電腦製作全球華人客家數位現代詩教材。歷年來詩作散見於年度文學選和各家編選專輯,也應邀國內外交流發表,作品廣譯有英、日、印、蒙和土耳其文等。獲吳濁流新詩獎、陳秀喜詩獎、教育部推展本土語言個人貢獻獎、榮獲臺灣詩人獎。出版詩集《越軌》、《紅色漩渦》、《天光日》、《留聲》。